ضحكة هاجر وساره

"ضحـــكة هـــاجر وســــاره"




تعود كل مايجلس على شط البحر تعبان
يشوفه يم امواج البَحر بدموع محتاره



يشوفه كل يوم هناك بنفس الحال والأزمان
مع ضي الفجر يوقف بوجه البحر وأنواره



وهالمره جلس خالد وسلم قال يابو فلان
اشوفك دايم بروحك تحاكي البحر وأسراره



انا ياعم لي فتره اشوفك مختلي حيران
حفظت الكسر في عينك عساني اقدر إجباره



وطاحت دمعة الشايب تنهد منتظر شفقاااااااان
وقال الوحده خاوتني وقلبي ماتت ازهاره



قبل عشرين من عمري سنين احاكي الجدران
سمعت اصواتهم داخل حدود البيت وأسواره



تناديني هنا هاجر وهنا اسمع يبوسلمان
وهنا ترسم على اللوحه وتمدح نفسها ساره



وهنا سلمان يتشاغب ويكسر علبة الالوان
وتـــاره يحتضن أمه وفي حضني انا تاره



قبل عشرين حدتنني ظروف الوقت والازمان
اودعهم وأخليهم لظرف الوقت وأقداره




هنا ودعتهم يم السفينه وادمعت لاعيان
وقلت الله يحفظكم على ارضه وسط داره




ترى بياصل لكم صوتي واكلمكم وانا الولهان
واطمنكم على نفسي واقول اخبار هالحاره




وقلت لامهم يحفظك ربي العالي المنان
عليم "ن" ماغفت عينه عن الكون وعن بحاره




وهنا شديت ايدي فوق كتفك ياولدي سلمان
وقلت ارفق على هاجر ولاتقسى على ساره




وخل امك مع اخواتك بوسط العين والأجفان
تراك انت الوحيد اللي كبَر بالقلب مقداره




وراحو في السفينه وابحرو في وسط هالشطان
ولاعادو وانا ناطر اسم سلمان واخباره





سنين بلهفتي مرت انادي يابحر ضميان
واقول بيوم القاهم مدام الدنيا دواره




وقالو مايجوز الا الدعاء بالرحمه ياسلطان
اكيد الموج سافر في عيالك داخل بحاره




خذاهم موج وتوفو جميع الأهل والقبطان
ولاباقي سوى الذكرى وضحكة هاجر وساره




تنهد خالد بحرقه وقبل ايد ابو سلمان
وقال آواااهـ ياجدي انا خالد ولد ساره
☺☻


بقلــــ م
☻ أجـــ م ـــل إحـــ س ــــاس ☻
مماراق لي